Need a gun in indian movie?..Naaaaah

I got this email before a while, but I just felt like sharing it with you, with a little comments added from me on the original ones..hope you enjoy it =)

*********************************

هذا بطل الفلم الهندي ربطته العصابه بكرسي, طبعا مو خايف بس حده معصب, ولازم الأيد بوكس و الحبل شوي راخي

اخوووه مربوط و عليه قنبلة مؤقتة بتنفجر بس شوفو شكل القنبلة, شارينها من سوق الوطيه, فيوزين بلاك طوفه و ماشه

البطل شاف جنبه اغلفة رصاصات طايحه على الارض, طبعا حطتهم عالأرض لها معنى, ماكو شي يطوف المخرج الهندي المبدع

طبعا الاغلفه حركت عقله مو السمبوسه و الجباتي وجاته فكره ......... قط نفسه على شان يوصل لها, هالعقل اللي على البطل شغال و لاحظوا ان البكس ما يفج من ايده

طبعا القنبلة .... وهذي اول قنبله من نوعها بالعالم .... القنبله هذي لها دقمه تشغيل دقمه اطفاء ... يعني السالفه سهالات, مو متعبين روحهم مثل الافلام الامريكيه, البطل ما عنده وكت يفكر اي واير يقص و يصبصب عرق و يتذكر بنته, بعدين المحل اللي بسوق الوطيه مخلصه وايراته الحمر, ماكو الا ازرق
اذكركم احنا هني بفلم هندي

طبع عداد القنبله عباره عن منبه بو اذان من سيتي سنتر, و صابغينه بصبغ رش اسود و الدقم لزق, نرجع للبطل..تأثيرات الوي هذي صارله شهر و ثلاث ايام يتدرب عليها

واخيرا مسك الرصاصه طبعا الارض وايد نظيفه, المقطع هذا شككني بنية البطل, انا اقول ان مو بس اخذ الرصاصه, باس الأرض عشان المشاهدات شوي يستانسون, يعني اغراء على الطريقه الهنديه, جيكواالشفه التحتانيه شلون خامه الأرض, حدها سكس اللقطه اذا شفتوها من منظور هندي

شوفوا بس شلون يركزالبطل والتركيز ذاااااابحه, اهنيه اضطر المخرج يضيف شوية عرق و ينزل الخصله, عشان تتماشى مع تسكيرة الشفايف على الرصاصه, طبها البنات الحين يتمنون ان اهم الرصاصه

طبعا بطريقة هندية بحته واسلوب الافلام الهنديه غلاف الرصاصه يطيييييييييير كانه رصاصه
ويصوبه على الدقمه الخضره و تطفي القنبله , حركاااااات..

شي عجيييييب ..

واخيرا (راجو ) اقصد البطل الخارق حل الأزمة ..

الغريب في الحركة .. ان القنبلة بقي لها ثانية واحدة وتنفجر ..

بس لحق عليها في اللحظة الأخيرة فيلم هندي ..

اكشن صح هههههههه :)

شوفوا الصورة المتحركة للأكشن

البنات رجاءا, مسكوا نفسكم شوي, ادري اللقطه حدها إغراء

السؤال اللي يسدح نفسه, منو هالممثل؟ و شنو اسم الفلم؟ و شنو صار عقب ما طفت القنبله؟

أنا اتوقع الجواب حق السؤال الثالث, ان عقب ما طفت القنبله و طاحت الرصاصه عالأرض, واحد من افراد العصابه سمع صوت الرصاصه ترن عالأرض, رجع..شال البطل مع الكرسي و عدله, لقط الرصاصات اللي طايحه عالأرض و حطهم بمخباته, رد وقت المنبه القنبله, طق الدقمه الحمره و راح

بس قبل لا يروح قال حق البطل: مره ساني انته ما يسير شيتان واجد, مره ساني انته يتيييه انا ما يجي يشيل مال انته, همار انته ولاه ماكو مككك